mil-jul ke arz-e-pak ko rashk-e-iram karen
mil-jul ke arz-e-pāk ko rashk-e-iram kareñ
kuchh kaam aap kījiye kuchh kaam ham kareñ
hālāt kā lihāz ab ahl-e-qalam kareñ
neze uThā.eñ haath meñ teġheñ ’alam kareñ
kyā hogā kyā na hogā ye sab un pe chhoḌiye
apnā ye kaam hai sar-e-taslīm ḳham kareñ
ai 'ishq ab panāh milegī kahāñ tujhe
vo bhī ye kah rahe haiñ mohabbat ko kam kareñ
poshīda dushmanī se jo rakheñ hameñ mu'āf
'kausar' hamāre dost baḌā hī karam kareñ
mil-jul ke arz-e-pak ko rashk-e-iram karen
kuchh kaam aap kijiye kuchh kaam hum karen
haalat ka lihaz ab ahl-e-qalam karen
neze uThaen hath mein teghen ’alam karen
kya hoga kya na hoga ye sab un pe chhoDiye
apna ye kaam hai sar-e-taslim KHam karen
ai 'ishq ab panah milegi kahan tujhe
wo bhi ye kah rahe hain mohabbat ko kam karen
poshida dushmani se jo rakhen hamein mu'af
'kausar' hamare dost baDa hi karam karen
- Book : Kalam-e-Kausar Niyazi (Pg. 47)
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
