le ke dil mein mohabbat ki pakizgi ghar se nikle the dair-o-haram ke liye
le ke dil mein mohabbat ki pakizgi ghar se nikle the dair-o-haram ke liye
Mahirul Qadri
MORE BYMahirul Qadri
le ke dil meñ mohabbat kī pākīzgī ghar se nikle the dair-o-haram ke liye
ham junūñ meñ na jaane kahāñ aa ga.e māh-o-anjum ne bose qadam ke liye
shukriya pursish-e-ġham kā ai dosto tum mujhe ab naved-e-masarrat na do
merī taqdīr kā harf-e-avval hai ġham ġham mire vāste maiñ huuñ ġham ke liye
kitne kam-zarf duniyā meñ vo log haiñ ik zarā ġham milā aañkh nam ho ga.ī
ġham bhī allāh kī ik baḌī den hai hausla chāhiye zabt-e-ġham ke liye
apne miTne kā 'māhir' mujhe ġham nahīñ maiñ fasurda huuñ insāñ ke hālāt se
mere rone pe hañstī hai duniyā magar ro rahā huuñ maiñ duniyā ke ġham ke liye
le ke dil mein mohabbat ki pakizgi ghar se nikle the dair-o-haram ke liye
hum junun mein na jaane kahan aa gae mah-o-anjum ne bose qadam ke liye
shukriya pursish-e-gham ka ai dosto tum mujhe ab nawed-e-masarrat na do
meri taqdir ka harf-e-awwal hai gham gham mere waste main hun gham ke liye
kitne kam-zarf duniya mein wo log hain ek zara gham mila aankh nam ho gai
gham bhi allah ki ek baDi den hai hausla chahiye zabt-e-gham ke liye
apne miTne ka 'mahir' mujhe gham nahin main fasurda hun insan ke haalat se
mere rone pe hansti hai duniya magar ro raha hun main duniya ke gham ke liye
- Book : Surood-e-Ruhani (Pg. 282)
- Edition : Second
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
