paiman-shikan buton ki allah re adaen

paimāñ-shikan butoñ kī allāh re adā.eñ

lafzoñ ko yaad rakheñ mafhūm bhuul jaa.eñ

Dartā huuñ rafta-rafta fariyād ban na jaa.eñ

TuuTī huī ummīdeñ bhaTkī huī nigāheñ

maiñ ne hī kuchh na samjhā merī nahīñ ḳhatā.eñ

do dil kī dhaḌkanoñ se dete rahe sadā.eñ

merā siyāh-ḳhāna kuchh is qadar thā raushan

kuchh sham.a jagmagā.e kuchh aap muskurā.eñ

vo niiñd se uThīñ haiñ añgḌā.ī ke sahāre

Duube hue sitāre phir se ubhar na aa.eñ

dard-e-sitam sukūñ kī had se guzar chukī hai

ab aap dard-e-dil kī taskīn ko na aa.eñ

muddat se maiñ 'māhir' nākām-e-ārzū huuñ

kab tak qubūl hoñgī dekho mirī duā.eñ

paiman-shikan buton ki allah re adaen

lafzon ko yaad rakhen mafhum bhul jaen

Darta hun rafta-rafta fariyaad ban na jaen

TuTi hui ummiden bhaTki hui nigahen

main ne hi kuchh na samjha meri nahin KHataen

do dil ki dhaDkanon se dete rahe sadaen

mera siyah-KHana kuchh is qadar tha raushan

kuchh shama jagmagae kuchh aap muskuraen

wo nind se uThin hain angDai ke sahaare

Dube hue sitare phir se ubhar na aaen

dard-e-sitam sukun ki had se guzar chuki hai

ab aap dard-e-dil ki taskin ko na aaen

muddat se main 'mahir' nakaam-e-arzu hun

kab tak qubul hongi dekho meri duaen