barha teri nawazish ne jise tham liya

bārhā terī navāzish ne jise thaam liyā

is ne kuchh soch ke phir aaj tarah naam liyā

dekh kar us kī pashemānī nigāheñ sar hashr

maiñ ne ḳhud apne hī sar qatl kā ilzām liyā

nabz dil Dūbtī jaatī hai tabī.at hai niDhāl

mujh se phir dard-e-mohabbat ne koī kaam liyā

chal chukā thāme gul-rañg kā mujh par jaadū

aap kī mast nigāhoñ ne magar thaam liyā

har kara.ī apnī jagah ek na.ī dhun meñ hai

aap ne husn-e-taġhāful se baḌā kaam liyā

dāġh-e-dil soz-e-jigar ḳhūn-e-vafā dard-e-firāq

dar gah-e-husn se har baar kuchh in.aam liyā

aaj kiyā aisī na.ī baat hai 'māhir' tum ne

kāñpte haath se jām-e-mai-e-gul-fām liyā

barha teri nawazish ne jise tham liya

is ne kuchh soch ke phir aaj tarah nam liya

dekh kar us ki pashemani nigahen sar hashr

main ne KHud apne hi sar qatl ka ilzam liya

nabz dil Dubti jati hai tabiat hai niDhaal

mujh se phir dard-e-mohabbat ne koi kaam liya

chal chuka thame gul-rang ka mujh par jadu

aap ki mast nigahon ne magar tham liya

har karai apni jagah ek nai dhun mein hai

aap ne husn-e-taghaful se baDa kaam liya

dagh-e-dil soz-e-jigar KHun-e-wafa dard-e-firaq

dar gah-e-husn se har bar kuchh inam liya

aaj kiya aisi nai baat hai 'mahir' tum ne

kanpte hath se jam-e-mai-e-gul-fam liya