ye kyun kahun ki lagi aag aashiyane ko

ye kyuuñ kahūñ ki lagī aag āshiyāne ko

kiyā hai barq ne raushan siyāh-ḳhāne ko

sharāb naġhma javānī ghaTā.eñ mausam-e-gul

sadā.eñ vo mire guzre hue zamāne ko

bhare chaman meñ bas ik us vaqf-e-mātam hai

samajh rahī hai jo kaliyoñ ke muskurāne ko

ye roz roz kī mashq-e-sujūd ḳhatm to ho

jabīñ meñ jazb hī kar luuñ na āstāne ko

qafas meñ bhī na kahīñ bijliyoñ kī yūrish ho

banā rahā huuñ tasavvur meñ āshiyāne ko

ye be-ḳhudī hai tirī mast añkhḌiyoñ kī qasam

ki riñd bhuul ga.e haiñ sharāb ḳhāne ko

guzar rahī hai kuchh is Dhab se zindagī 'māhir'

ki jaise merī zarūrat nahīñ zamāne ko

ye kyun kahun ki lagi aag aashiyane ko

kiya hai barq ne raushan siyah-KHane ko

sharab naghma jawani ghaTaen mausam-e-gul

sadaen wo mere guzre hue zamane ko

bhare chaman mein bas ek us waqf-e-matam hai

samajh rahi hai jo kaliyon ke muskurane ko

ye roz roz ki mashq-e-sujud KHatm to ho

jabin mein jazb hi kar lun na aastane ko

qafas mein bhi na kahin bijliyon ki yurish ho

bana raha hun tasawwur mein aashiyane ko

ye be-KHudi hai teri mast ankhDiyon ki qasam

ki rind bhul gae hain sharab KHane ko

guzar rahi hai kuchh is Dhab se zindagi 'mahir'

ki jaise meri zarurat nahin zamane ko