sach ye hai aish do-alam ki bhi parwa na karen

sach ye hai aish do-ālam kī bhī parvā na kareñ

vo jo tauhīn-e-ġham-e-yār gavārā na kareñ

dil kī dhaḌkan ko bhī ab kaam meñ laayā na kareñ

kyā is andāz se bhī tum ko pukārā na kareñ

vo agar mast nigāhoñ se ishāra na kareñ

un ke mai-ḳhvār kabhī hosh meñ aayā na kareñ

ho hī jā.egī kisī tarah shab-e-ġham kī sahar

aap mere liye taklīf gavārā na kareñ

abhī ummīd ko duniyā hai tasavvur kā fareb

dil kī duniyā ko abhī vo tah-o-bālā na kareñ

aur hañste haiñ mire hāl-e-pareshāñ pe hañseñ

aap ko sab hai ḳhabar aap to aisā na kareñ

nau-ba-nau rañg badaltī hai tajallī un kī

dekhne vaale nigāhoñ pe bharosa na kareñ

dard-e-dil aap kī āñkhoñ se ayaañ hai 'māhir'

is tarah aap koī raaz chhupāyā na kareñ

sach ye hai aish do-alam ki bhi parwa na karen

wo jo tauhin-e-gham-e-yar gawara na karen

dil ki dhaDkan ko bhi ab kaam mein laya na karen

kya is andaz se bhi tum ko pukara na karen

wo agar mast nigahon se ishaara na karen

un ke mai-KHwar kabhi hosh mein aaya na karen

ho hi jaegi kisi tarah shab-e-gham ki sahar

aap mere liye taklif gawara na karen

abhi ummid ko duniya hai tasawwur ka fareb

dil ki duniya ko abhi wo tah-o-baala na karen

aur hanste hain mere haal-e-pareshan pe hansen

aap ko sab hai KHabar aap to aisa na karen

nau-ba-nau rang badalti hai tajalli un ki

dekhne wale nigahon pe bharosa na karen

dard-e-dil aap ki aankhon se ayan hai 'mahir'

is tarah aap koi raaz chhupaya na karen