parastar-e-mohabbat ko KHayal-e-ma-siwa kyun ho

parastār-e-mohabbat ko ḳhayāl-e-mā-sivā kyuuñ ho

ḳhushī bhī tere milne kī sharīk mudda.ā kyuuñ ho

tirī pahlī nazar kī hashr-sāmānī musallam hai

magar dil ke fasāna kī yahīñ se ibtidā kyuuñ ho

fazā meñ gūñjtī haiñ saiñkaḌoñ ġhamnāk āvāzeñ

jise tū sun rahā hai mere dil kī hī sadā kyuuñ ho

tire jalvoñ kī hairat-āfrīnī ai ma.āz-allāh

nigāhoñ se jo dekhā hai zabānoñ se adā kyuuñ ho

jo tire iltifāt-e-ḳhās kī 'ādat se vāqif hai

use be-jā terī kam-nigāhī kā gilā kyuuñ ho

jise ik ik qadam par fikr-e-mustaqbil satātī hai

vo dīvāna havas kā tere ġham meñ mubtalā kyuuñ ho

mohabbat ruuh ban kar saare aalam meñ samā.ī hai

to phir duniyā kā 'māhir' ek zarra bhī fanā kyuuñ ho

parastar-e-mohabbat ko KHayal-e-ma-siwa kyun ho

KHushi bhi tere milne ki sharik muddaa kyun ho

teri pahli nazar ki hashr-samani musallam hai

magar dil ke fasana ki yahin se ibtida kyun ho

faza mein gunjti hain sainkaDon ghamnak aawazen

jise tu sun raha hai mere dil ki hi sada kyun ho

tere jalwon ki hairat-afrini ai maaz-allah

nigahon se jo dekha hai zabanon se ada kyun ho

jo tere iltifat-e-KHas ki 'adat se waqif hai

use be-ja teri kam-nigahi ka gila kyun ho

jise ek ek qadam par fikr-e-mustaqbil satati hai

wo diwana hawas ka tere gham mein mubtala kyun ho

mohabbat ruh ban kar sare aalam mein samai hai

to phir duniya ka 'mahir' ek zarra bhi fana kyun ho