allah re hausla nigh-e-be-qarar ka

allāh re hausla nigh-e-be-qarār kā

nazzāra aur jumbish-e-mizhgān-e-yār kā

shikvā nasīb kā na gilā husn-e-yār kā

saarā qusūr hai dil-e-be-iḳhtiyār kā

rutba to dekhiye nigah-e-sharmsār kā

ruḳh hai idhar hī rahmat-e-parvardigār kā

ai jabar-e-dost rahm ki ab tāb-e-ġham nahīñ

hotā hai raaz faash mire iḳhtiyār kā

ra.anā.ī jahāñ kī haqīqat hai is qadar

dhuñdhlā sā ek aks hai ruḳhsār-e-yār kā

'māhir' hai bazm-e-dahr pareshāniyoñ kā ghar

shikvā fuzūl hai sitam rozgār kā

allah re hausla nigh-e-be-qarar ka

nazzara aur jumbish-e-mizhgan-e-yar ka

shikwa nasib ka na gila husn-e-yar ka

sara qusur hai dil-e-be-iKHtiyar ka

rutba to dekhiye nigah-e-sharmsar ka

ruKH hai idhar hi rahmat-e-parwardigar ka

ai jabar-e-dost rahm ki ab tab-e-gham nahin

hota hai raaz fash mere iKHtiyar ka

ranai jahan ki haqiqat hai is qadar

dhundhla sa ek aks hai ruKHsar-e-yar ka

'mahir' hai bazm-e-dahr pareshaniyon ka ghar

shikwa fuzul hai sitam rozgar ka