unki jaanib sabhi paigham koi lai hai

un kī jānib sabhī paiġhām koī laa.ī hai

yā nasīm-e-saharī yuuñ hī chalī aa.ī hai

nau giraftār-e-mohabbat pe ḳhudā raham kare

aaj us shaḳhs kī pahlī shab-e-tanhā.ī hai

haaye vo log jo tūfāñ kā gilā karte haiñ

un kī kashtī kabhī sāhil se bhī Takrā.ī hai

uñgliyāñ uThtī hai kis-kis ke salām aate haiñ

'ishq ik qāfila-e-shorat-o-rusvā.ī hai

aap aur mujh pe tavajjoh kī nazar farmā.eñ

ye tasavvur kī mere hāshiya raa.ī hai

ai ajal naza.a kī fursat ko baḌhā aur baḌhā

yaad kar luuñ merī kis-kis se shanāsā.ī hai

shauq tanhā hai magar us ke hazāroñ 'ālam

husn ke paas faqat anjuman-ārā.ī hai

ye jahāñ husn-e-mashiyyat kā hai partav māhir

aadmī sirf manāzir kā tamāshā.ī hai

un ki jaanib sabhi paigham koi lai hai

ya nasim-e-sahari yun hi chali aai hai

nau giraftar-e-mohabbat pe KHuda raham kare

aaj us shaKHs ki pahli shab-e-tanhai hai

haye wo log jo tufan ka gila karte hain

un ki kashti kabhi sahil se bhi Takrai hai

ungliyan uThti hai kis-kis ke salam aate hain

'ishq ek qafila-e-shorat-o-ruswai hai

aap aur mujh pe tawajjoh ki nazar farmaen

ye tasawwur ki mere hashiya rai hai

ai ajal naza ki fursat ko baDha aur baDha

yaad kar lun meri kis-kis se shanasai hai

shauq tanha hai magar us ke hazaron 'alam

husn ke pas faqat anjuman-arai hai

ye jahan husn-e-mashiyyat ka hai partaw mahir

aadmi sirf manazir ka tamashai hai