nishat-o-kaif ka aalam zamin se aasman tak hai

nishāt-o-kaif kā a.alam zamīñ se āsmāñ tak hai

ḳhudā ma.alūm tere husn kī duniyā kahāñ tak hai

mohabbat ko ḳhayāl-e-mā-sivā chhū bhī nahīñ saktā

havas kī jāda-paimā.ī faqat sūd-o-ziyāñ tak hai

yahī tūfāñ mujhe āsūda-e-sāhil banā.egā

talātum merī kashtī kā shikast-e-bādbāñ tak hai

vo ik jazba havas kā hai mohabbat ho nahīñ saktī

ta.alluq sirf jis kā ittisāl-e-jism-o-jāñ tak hai

tumhār husn se qaus-e-quzah kī rañg-ārā.ī

tumhār nuur se raushan jabīn kahkashāñ tak hai

chalo ai mai-gusāro mai-kashī kā vaqt aa pahuñchā

muġhannī hai ghaTā chhā.ī hai jaam arġhavāñ tak hai

koī bichhḌe huoñ kī baat bhī suntā nahīñ 'māhir'

jaras kī mehrbānī kārvāñ se kārvāñ tak hai

nishat-o-kaif ka aalam zamin se aasman tak hai

KHuda malum tere husn ki duniya kahan tak hai

mohabbat ko KHayal-e-ma-siwa chhu bhi nahin sakta

hawas ki jada-paimai faqat sud-o-ziyan tak hai

yahi tufan mujhe aasuda-e-sahil banaega

talatum meri kashti ka shikast-e-baadban tak hai

wo ek jazba hawas ka hai mohabbat ho nahin sakti

talluq sirf jis ka ittisal-e-jism-o-jaan tak hai

tumhaar husn se qaus-e-quzah ki rang-arai

tumhaar nur se raushan jabin kahkashan tak hai

chalo ai mai-gusaro mai-kashi ka waqt aa pahuncha

mughanni hai ghaTa chhai hai jam arghawan tak hai

koi bichhDe huon ki baat bhi sunta nahin 'mahir'

jaras ki mehrbani karwan se karwan tak hai