wahi kuchh dahr mein raaz-e-nizam-e-dil samajhte hain

vahī kuchh dahr meñ rāz-e-nizām-e-dil samajhte haiñ

jo tere ishq ko kaunain kā hāsil samajhte haiñ

hameñ dair-o-haram kī samt jaane kī zarūrat kyā

ki ham ek ek zarre ko tirī manzil samajhte haiñ

mirī jānib kabhī bhūle se bhī nazreñ nahīñ uThtīñ

vo mujh ko iltifāt-e-ḳhās ke qābil samajhte haiñ

milā ham ko sila ye bahr-e-ġham se āshnā.ī kā

jise tūfāñ samajhte the use sāhil samajhte haiñ

kahāñ ye nā-tavāñ dil aur kahāñ vo jaur-e-be-pāyāñ

ye un kī mehrbānī hai jo us qābil samajhte haiñ

mohabbat par madār-e-hastī-e-kaunain hai 'māhir'

ye vo nukta hai jis ko sāhibān-e-dil samajhte haiñ

wahi kuchh dahr mein raaz-e-nizam-e-dil samajhte hain

jo tere ishq ko kaunain ka hasil samajhte hain

hamein dair-o-haram ki samt jaane ki zarurat kya

ki hum ek ek zarre ko teri manzil samajhte hain

meri jaanib kabhi bhule se bhi nazren nahin uThtin

wo mujh ko iltifat-e-KHas ke qabil samajhte hain

mila hum ko sila ye bahr-e-gham se aashnai ka

jise tufan samajhte the use sahil samajhte hain

kahan ye na-tawan dil aur kahan wo jaur-e-be-payan

ye un ki mehrbani hai jo us qabil samajhte hain

mohabbat par madar-e-hasti-e-kaunain hai 'mahir'

ye wo nukta hai jis ko sahiban-e-dil samajhte hain