tujhe ek nazar dekhna chahta hun

tujhe ik nazar dekhnā chāhtā huuñ

maiñ is ke sivā aur kyā chāhtā huuñ

vafāoñ ke badle jafā chāhtā huuñ

maiñ kyā chāhtā thā maiñ kyā chāhtā huuñ

mohabbat kī phir ibtidā chāhtā huuñ

ḳhudā mujh ko samjhe maiñ kyā chāhtā huuñ

karam kī zarūrat hai mujh ko va-lekin

ba-'unvān-e-jaur-o-jafā chāhtā huuñ

masā.ib kī bārish balāoñ kī yūrish

ba-miqdār-e-sabr-o-razā chāhtā huuñ

gunāh-e-mohabbat kā mujrim huuñ mujrim

maiñ apne ka.e kī sazā chāhtā huuñ

jahāñ ik jahān-e-tajallī ho 'māhir'

mohabbat kī aisī fazā chāhtā huuñ

tujhe ek nazar dekhna chahta hun

main is ke siwa aur kya chahta hun

wafaon ke badle jafa chahta hun

main kya chahta tha main kya chahta hun

mohabbat ki phir ibtida chahta hun

KHuda mujh ko samjhe main kya chahta hun

karam ki zarurat hai mujh ko wa-lekin

ba-'unwan-e-jaur-o-jafa chahta hun

masaib ki barish balaon ki yurish

ba-miqdar-e-sabr-o-raza chahta hun

gunah-e-mohabbat ka mujrim hun mujrim

main apne kae ki saza chahta hun

jahan ek jahan-e-tajalli ho 'mahir'

mohabbat ki aisi faza chahta hun