nigah-e-mast ko masruf-e-naz rahne de

nigāh-e-mast ko masrūf-e-nāz rahne de

kuchh aur roz mujhe pāk-bāz rahne de

ilāj-e-dard mire chārasāz rahne de

ki ye ḳhalish hai baḌī dil-navāz rahne de

jo faash ho na sake us ko faash karke chhoḌ

jo raaz rah na sake us ko raaz rahne de

latāfat-e-ġham-e-ulfat kā vāsta ai dost

hayāt-o-maut meñ kuchh imtiyāz rahne de

nigāh-e-yār tujhe jor-e-be-sabab kī qasam

navāzish-e-ġham-e-pinhāñ ko raaz rahne de

mire ḳhayāl ko har dam tirī zarūrat hai

tasavvurāt ko zīnat tarāz rahne de

zamāna bhar meñ koī ġhaznavī nihād nahīñ

hadīs-e-turra-e-zulf-e-eyāz rahne de

hayāt-e-gulshan-e-maġhrib tujhe mubārak ho

mujhe shahīd fazā-e-hijāz rahne de

hadīs-e-dard-e-mohabbat na kar bayāñ 'māhir'

haqīqatoñ ko asīr-e-majāz rahne de

nigah-e-mast ko masruf-e-naz rahne de

kuchh aur roz mujhe pak-baz rahne de

ilaj-e-dard mere chaarasaz rahne de

ki ye KHalish hai baDi dil-nawaz rahne de

jo fash ho na sake us ko fash karke chhoD

jo raaz rah na sake us ko raaz rahne de

latafat-e-gham-e-ulfat ka wasta ai dost

hayat-o-maut mein kuchh imtiyaz rahne de

nigah-e-yar tujhe jor-e-be-sabab ki qasam

nawazish-e-gham-e-pinhan ko raaz rahne de

mere KHayal ko har dam teri zarurat hai

tasawwuraat ko zinat taraaz rahne de

zamana bhar mein koi ghaznawi nihad nahin

hadis-e-turra-e-zulf-e-eyaz rahne de

hayat-e-gulshan-e-maghrib tujhe mubarak ho

mujhe shahid faza-e-hijaz rahne de

hadis-e-dard-e-mohabbat na kar bayan 'mahir'

haqiqaton ko asir-e-majaz rahne de