jhuTa wada piya mo se kar gayo ri
jhūTā va'ada piyā mo se kar gayo rī
chaman meñ josh se bād-e-bahār chaltī hai
kalī chaTak ke har ek shāḳh se nikaltī hai
surāhī phirtī hai mai kī pyālī chaltī hai
har ek ġhuncha ke muñh se yahī nikaltī hai
aa ke gulshan meñ kyā gul katar gayo rī
kisī ke ġham meñ huuñ lab-e-zindagī se maiñ nā-chār
chaman bhī ho to ab āñkhoñ meñ hai guzartā ḳhaar
ye chain lene nahīñ detā charkH-e-kaj-raftār
ye aap ke dil meñ samāyā hai lā-chār aur nā-chār
maiñ bhī jaatī huuñ sayyāñ jidhar gayo rī
jhuTa wa'ada piya mo se kar gayo ri
chaman mein josh se baad-e-bahaar chalti hai
kali chaTak ke har ek shaKH se nikalti hai
surahi phirti hai mai ki pyali chalti hai
har ek ghuncha ke munh se yahi nikalti hai
aa ke gulshan mein kya gul katar gayo ri
kisi ke gham mein hun lab-e-zindagi se main na-chaar
chaman bhi ho to ab aankhon mein hai guzarta KHar
ye chain lene nahin deta charkH-e-kaj-raftar
ye aap ke dil mein samaya hai la-chaar aur na-chaar
main bhi jati hun sayyan jidhar gayo ri
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
