tawan-e-na-tawan bhi tu nawa-e-be-nawa bhi hai

tavān-e-nā-tavāñ bhī tū navā-e-be-navā bhī hai

mirā maulā-o-āqā makHzan-e-faiz-o-'atā bhī hai

vo jis kā 'ishq-o-mastī se 'ibārat silsila bhī hai

vo jān-e-mai-kada raushan charāġh-e-bul-'olā bhī hai

na ho kyuuñ matla'-e-anvār-e-'ālam us kī peshānī

vo peshānī jo tere naqsh-e-pā se āshnā bhī hai

karīmī dast-gīrī chāra-sāzī hai shi'ār us kā

mirā maljā-o-māvā mamba-e-jūd-o-sakHā bhī hai

tujhī ko māñgtā huuñ tujh se ḳhud aur terī iimā par

mirā dast-e-du'ā bhī hai tū merā mudda'ā bhī hai

maiñ jab bhī ġhaur karatā huuñ to ḳhud pe rashk aatā hai

ki mujh se banda-e-nāchīz shāyān-e-'atā bhī hai

use mā'lūm hai 'mahshar' vo kyā pūchhe sar-e-mahshar

tu jis se multajī hai vo hī terā multajā bhī hai

tawan-e-na-tawan bhi tu nawa-e-be-nawa bhi hai

mera maula-o-aqa makHzan-e-faiz-o-'ata bhi hai

wo jis ka 'ishq-o-masti se 'ibarat silsila bhi hai

wo jaan-e-mai-kada raushan charagh-e-bul-'ola bhi hai

na ho kyun matla'-e-anwar-e-'alam us ki peshani

wo peshani jo tere naqsh-e-pa se aashna bhi hai

karimi dast-giri chaara-sazi hai shi'ar us ka

mera malja-o-mawa mamba-e-jud-o-sakHa bhi hai

tujhi ko mangta hun tujh se KHud aur teri ima par

mera dast-e-du'a bhi hai tu mera mudda'a bhi hai

main jab bhi ghaur karata hun to KHud pe rashk aata hai

ki mujh se banda-e-nachiz shayan-e-'ata bhi hai

use ma'lum hai 'mahshar' wo kya puchhe sar-e-mahshar

tu jis se multaji hai wo hi tera multaja bhi hai