mai-kade ka nizam tum se hai

mai-kade kā nizām tum se hai

shīsha tum se hai jaam tum se hai

sub.h tum se hai shaam tum se hai

har tarah kā nizām tum se hai

sab ko soz-o-gudāz tum ne diyā

ishq kā faiz-e-ām tum se hai

maiñ zamāne ke rū-ba-rū chup huuñ

be-takalluf kalām tum se hai

ḳhāl-e-mushkīñ bhī zulf-e-pechāñ bhī

daana tum se hai daam tum se hai

mehar-e-anvar meñ hai tumhārī ziyā

husn-e-māh tamām tum se hai

tum ho buniyād donoñ a.alam kī

do jahāñ kā qiyām tum se hai

ham tumhār haiñ tum hamāre ho

ham ko ishq-e-davām tum se hai

ab kisī ko 'nasīr' kyā jaane

ab to jo kuchh hai kaam tum se hai

mai-kade ka nizam tum se hai

shisha tum se hai jam tum se hai

subh tum se hai sham tum se hai

har tarah ka nizam tum se hai

sab ko soz-o-gudaz tum ne diya

ishq ka faiz-e-am tum se hai

main zamane ke ru-ba-ru chup hun

be-takalluf kalam tum se hai

KHal-e-mushkin bhi zulf-e-pechan bhi

dana tum se hai dam tum se hai

mehar-e-anwar mein hai tumhaari ziya

husn-e-mah tamam tum se hai

tum ho buniyaad donon aalam ki

do jahan ka qiyam tum se hai

hum tumhaar hain tum hamare ho

hum ko ishq-e-dawam tum se hai

ab kisi ko 'nasir' kya jaane

ab to jo kuchh hai kaam tum se hai