main KHuda ki sana gaunga

maiñ ḳhudā kī sanā gā.uñgā

hamd us kī kiye jā.ūñgā

maiñ fat.h-yāb huuñ barsar-e-āb huuñ

vo hai baḳhshish merī vo merā bhaag hai

vo merā zor hai vo merā raag hai

us kī tā'zīm lab pe sadā lā.ūñgā

maiñ ḳhudā kī sanā gā.uñgā

hamd us kī kiye jā.ūñgā

vo hai merā ḳhudā mere ajdād kā

munsif-e-mohtaram rabb-e-ikrām bhī

sāhib-e-jañg bhī sāhib-e-nām bhī

zikr us kī buzurgī kā dohrā.ūñgā

maiñ ḳhudā kī sanā gā.uñgā

hamd us kī kiye jā.ūñgā

pāniyoñ kā ġhazab Dūbne kā sabab

siph-e-fir'aun meñ jo bhī sardār the

dekhte-dekhte ġharq-e-dariyā hue

qudrat-e-rabb-e-'ālam pe itrā.ūñgā

maiñ ḳhudā kī sanā gā.uñgā

hamd us kī kiye jā.ūñgā

nādir merā sarmāya-e-jāñ us ke liye hai

dil us ke liye aur zabāñ us ke liye hai

maiñ ḳhudā kī sanā gā.uñgā

hamd us kī kiye jā.ūñgā

bahr jab jam gayā qahr jab tham gayā

sab 'fanā' ho ga.e hamd us zaat ko

ibratoñ se bharī nādir āyāt ko

giit ke mustaqil rañg pahnā.ūñgā

maiñ ḳhudā kī sanā gā.uñgā

hamd us kī kiye jā.ūñgā

main KHuda ki sana gaunga

hamd us ki kiye jaunga

main fath-yab hun barsar-e-ab hun

wo hai baKHshish meri wo mera bhag hai

wo mera zor hai wo mera rag hai

us ki ta'zim lab pe sada launga

main KHuda ki sana gaunga

hamd us ki kiye jaunga

wo hai mera KHuda mere ajdad ka

munsif-e-mohtaram rabb-e-ikram bhi

sahib-e-jang bhi sahib-e-nam bhi

zikr us ki buzurgi ka dohraunga

main KHuda ki sana gaunga

hamd us ki kiye jaunga

paniyon ka ghazab Dubne ka sabab

siph-e-fir'aun mein jo bhi sardar the

dekhte-dekhte gharq-e-dariya hue

qudrat-e-rabb-e-'alam pe itraunga

main KHuda ki sana gaunga

hamd us ki kiye jaunga

nadir mera sarmaya-e-jaan us ke liye hai

dil us ke liye aur zaban us ke liye hai

main KHuda ki sana gaunga

hamd us ki kiye jaunga

bahr jab jam gaya qahr jab tham gaya

sab 'fana' ho gae hamd us zat ko

ibraton se bhari nadir aayat ko

git ke mustaqil rang pahnaunga

main KHuda ki sana gaunga

hamd us ki kiye jaunga