main yahin karunga sajda mera sar yahin jhukega

maiñ yahīñ karūñgā sajda merā sar yahīñ jhukegā

mirī bandagī kā markaz terā āstāñ rahegā

maiñ fidā huuñ tujh pe jānāñ tere dar se kaise uTThūñ

jo milā nahīñ haram se tere dar se vo milegā

mirī bandagī kā hāsil terī ik nazar hai jānāñ

terī ek nazar se mujh ko merā mudda'ā milegā

terā faiz faiz-e-rahmat terā dar gunāh-poshī

vo chhuTegā qaid-e-ġham se tere dar pe jo miTegā

jo ḳhudā kī justujū hai karo justujū-e-sābir

chalo sābarī galī meñ vahīñ par ḳhudā milegā

baḌī 'azmateñ mileñgī terī 'āshiqī meñ jānāñ

jo nazar milā ke tujh se mai-e-’āshiqī piyegā

tere dar kā huuñ bhikārī mujhe apnā sadqa de de

merī jholiyāñ bhareñgī tū agar karam karegā

na duī kā rañg hogā na ḳhudī rahegī baaqī

tere ruḳh se mere jaañ ye hijāb jab haTegā

maiñ huuñ sābarī qalandar mujhe kyā ġharaz kisī se

mere dil meñ nuur ban kar ġham-e-sābrī rahegā

'fanā' ho ke tere dar par aisā ā.īna banūñgā

mujhe dekh legā jo bhī terā jalva dekh legā

main yahin karunga sajda mera sar yahin jhukega

meri bandagi ka markaz tera aastan rahega

main fida hun tujh pe jaanan tere dar se kaise uTThun

jo mila nahin haram se tere dar se wo milega

meri bandagi ka hasil teri ek nazar hai jaanan

teri ek nazar se mujh ko mera mudda'a milega

tera faiz faiz-e-rahmat tera dar gunah-poshi

wo chhuTega qaid-e-gham se tere dar pe jo miTega

jo KHuda ki justuju hai karo justuju-e-sabir

chalo sabari gali mein wahin par KHuda milega

baDi 'azmaten milengi teri 'ashiqi mein jaanan

jo nazar mila ke tujh se mai-e-’ashiqi piyega

tere dar ka hun bhikari mujhe apna sadqa de de

meri jholiyan bharengi tu agar karam karega

na dui ka rang hoga na KHudi rahegi baqi

tere ruKH se mere jaan ye hijab jab haTega

main hun sabari qalandar mujhe kya gharaz kisi se

mere dil mein nur ban kar gham-e-sabri rahega

'fana' ho ke tere dar par aisa aaina banunga

mujhe dekh lega jo bhi tera jalwa dekh lega