میں مقتدی بھی ہوں میں ہی صف_امام میں ہوں

میں مقتدی بھی ہوں میں ہی صف امام میں ہوں

فنائے ذات علی ہوں عجب مقام میں ہوں

شعاع شمس و قمر ہیں تجلیاں اپنی

میں اپنی شان کریمی سے فیض عام میں ہوں

بہار باغ سے خرم ہیں بلبل و گلچیں

میں اپنے شاہد و گل رو کے انتظام میں ہوں

کسی کے زلف و رخ صاف کے تصور میں

گہے حلب میں ہوں گاہے سواد شام میں ہوں

تمہاری زلف کا سودا وبال جان ہوا

رہائی ہونی ہے مشکل آ دل لے دام میں ہوں

جو پوچھا ساجد بیدل سے حال رو کے کہا

خرابی دل محزوں کے اہتمام میں ہوں