meri hasti zuhur hai tera

merī hastī zuhūr hai terā

zarra-zarra meñ nuur hai terā

nahnu-aqrab se ho gayā sābit

dil bhī maskan zarūr hai terā

un ko koī uThā nahīñ saktā

jin hijāboñ meñ nuur hai terā

tujh se ḳhālī nahīñ hai koī baaġh

zehn meñ bhī su'ūr hai terā

chashm-e-mūsā bhī terī shāhid hai

mo'tarif koh-e-tūr hai terā

kibriyā.ī tujhī ko shāyāñ hai

tujh ko zeb-e-ġhurūr hai terā

gul kī rā'anā.iyoñ ke parde meñ

rañg terā hai nuur hai terā

har taḌap meñ sukūn paatā hai

chain se nā-subūr hai terā

'āsiyoñ ko na kyuuñ bharosā ho

naam rabb-e-ġhafūr hai terā

tujh ko dekhūñ to aarzū bhī karūñ

husn āñkhoñ se duur hai terā

chashm-e-sāqī pe munhasir 'maḳhmūr'

nasha terā surūr hai terā

meri hasti zuhur hai tera

zarra-zarra mein nur hai tera

nahnu-aqrab se ho gaya sabit

dil bhi maskan zarur hai tera

un ko koi uTha nahin sakta

jin hijabon mein nur hai tera

tujh se KHali nahin hai koi bagh

zehn mein bhi su'ur hai tera

chashm-e-musa bhi teri shahid hai

mo'tarif koh-e-tur hai tera

kibriyai tujhi ko shayan hai

tujh ko zeb-e-ghurur hai tera

gul ki ra'anaiyon ke parde mein

rang tera hai nur hai tera

har taDap mein sukun pata hai

chain se na-subur hai tera

'asiyon ko na kyun bharosa ho

nam rabb-e-ghafur hai tera

tujh ko dekhun to aarzu bhi karun

husn aankhon se dur hai tera

chashm-e-saqi pe munhasir 'maKHmur'

nasha tera surur hai tera