marne ki thi sabil jiye ja raha hun main

marne kī thī sabīl jiye jā rahā huuñ maiñ

saaqī pilā rahā hai piye jā rahā huuñ maiñ

saaqī ko dil meñ yaad kiye jā rahā huuñ maiñ

ka.abe meñ bhī sharāb piye jā rahā huuñ maiñ

mālik kī baḳhshishoñ kā hisāb-o-kitāb kyā

vo de rahā hai aur liye jā rahā huuñ maiñ

vo baḳhshe yā na baḳhshe use iḳhtiyār hai

apnā jo kaam hai vo kiye jā rahā huuñ maiñ

aa ai ajal ki nām-e-ḳhudā le ke zauq meñ

zikr-e-habīb-e-haq bhī kiye jā rahā huuñ maiñ

'mohsin' harīm-e-dil meñ use dekh-dekh kar

apnā tavāf aap kiye jā huuñ maiñ

marne ki thi sabil jiye ja raha hun main

saqi pila raha hai piye ja raha hun main

saqi ko dil mein yaad kiye ja raha hun main

kabe mein bhi sharab piye ja raha hun main

malik ki baKHshishon ka hisab-o-kitab kya

wo de raha hai aur liye ja raha hun main

wo baKHshe ya na baKHshe use iKHtiyar hai

apna jo kaam hai wo kiye ja raha hun main

aa ai ajal ki nam-e-KHuda le ke zauq mein

zikr-e-habib-e-haq bhi kiye ja raha hun main

'mohsin' harim-e-dil mein use dekh-dekh kar

apna tawaf aap kiye ja hun main