chhuDa deti hai fikr-e-ghair se tasir-e-mai-KHana

chhuḌā detī hai fikr-e-ġhair se tāsīr-e-mai-ḳhāna

milī hai 'arsh kī zanjīr se zanjīr-e-mai-ḳhāna

paḌho bāda-gusāro ab namāz-e-kHud farāmoshī

sadā-e-qulqul-e-mīnā huī takbīr-e-mai-ḳhāna

nazar meñ zāhidān-e-ḳhushk kī hai ḳhīrgī paidā

huī hai shīsha-hā-e-mai se vo tanvīr-e-mai-kHāna

riyā-kār aur ḳhud-bīñ kā nahīñ us meñ guzar hargiz

'ajab qudsī-sifat jaarī huī taqdīr-e-mai-ḳhāna

khaḌā hai jhūmtā koī paḌā hai lauTtā koī

koī maanī se kah de khīñch le tasvīr-e-mai-ḳhāna

na de miinā na de sāġhar mujhe us kī nahīñ hājat

nigāh-e-mast kaafī hai tirī ai pīr-e-mai-ḳhāna

balā-noshoñ meñ durd-e-tah-nashīñ taqsīm hotī hai

salāmat bā-karāmat yā-ilāhī pīr-e-mai-ḳhāna

na aa.egī koī aafat kabhī mai-ḳhāna par 'hasrat'

du’ā-e-mukHlisāñ hai pāya-e-tā’mīr-e-mai-kHāna

chhuDa deti hai fikr-e-ghair se tasir-e-mai-KHana

mili hai 'arsh ki zanjir se zanjir-e-mai-KHana

paDho baada-gusaro ab namaz-e-kHud faramoshi

sada-e-qulqul-e-mina hui takbir-e-mai-KHana

nazar mein zahidan-e-KHushk ki hai KHirgi paida

hui hai shisha-ha-e-mai se wo tanwir-e-mai-kHana

riya-kar aur KHud-bin ka nahin us mein guzar hargiz

'ajab qudsi-sifat jari hui taqdir-e-mai-KHana

khaDa hai jhumta koi paDa hai lauTta koi

koi mani se kah de khinch le taswir-e-mai-KHana

na de mina na de saghar mujhe us ki nahin hajat

nigah-e-mast kafi hai teri ai pir-e-mai-KHana

bala-noshon mein durd-e-tah-nashin taqsim hoti hai

salamat ba-karamat ya-ilahi pir-e-mai-KHana

na aaegi koi aafat kabhi mai-KHana par 'hasrat'

du’a-e-mukHlisan hai paya-e-ta’mir-e-mai-kHana