may wo mai jo nahi milti kisi mai-KHane mein

may vo mai jo nahii. miltī kisī mai-ḳhāne meñ

Daal de Daal de saaqī mere paimāne meñ

jān-e-jāñ tū hai kahāñ kaun se kāshāne meñ

ka.aba meñ jaa.eñ kalīsā meñ ki but-ḳhāne meñ

aamad aamad hai ye kis riñd kī mai-ḳhāne meñ

mai-e-pur-josh samātī nahīñ paimāne meñ

qissa-go ye to batā kaise sunāyā un ko

kis kā afsāna milāyā mere afsāne meñ

gardish-e-chashm ne saaqī kī kiyā thā mad.hosh

jhuk ga.ī bazm kī bazm ek hī paimāne meñ

aur ek thoḌī sī saaqī mere saaqī de de

abhī gunjā.ish-e-mai-kHāna hai paimāne meñ

dīn-o-duniyā se ta.alluq nahīñ baaqī saaqī

jab se baiThe haiñ ham aakar tire mai-ḳhāne meñ

madh-bharī āñkhoñ meñ jo tuune chhipā rakhī hai

sāqiyā thoḌī sī vo bhī mere paimāne meñ

jal gayā ḳhaak huā ḳhaak bhī pāmāl huī

phir bhī hai rūh-e-mohabbat vahī parvāne meñ

tark-e-mai-kHāna ko muddat huī lekin ab tak

dil hai shīsha meñ mirā aañkh hai paimāne meñ

lo idhar kāñpī udhar zarra har ik kaañp uThā

ḳhaak hokar bhī ye ehsās hai parvāne meñ

gardish-e-jām se zāhir hai hamārī gardish

dil 'hafīz' apnā hai sāġhar nahīñ mai-ḳhāne meñ

may wo mai jo nahi milti kisi mai-KHane mein

Dal de Dal de saqi mere paimane mein

jaan-e-jaan tu hai kahan kaun se kashane mein

kaba mein jaen kalisa mein ki but-KHane mein

aamad aamad hai ye kis rind ki mai-KHane mein

mai-e-pur-josh samati nahin paimane mein

qissa-go ye to bata kaise sunaya un ko

kis ka afsana milaya mere afsane mein

gardish-e-chashm ne saqi ki kiya tha madhosh

jhuk gai bazm ki bazm ek hi paimane mein

aur ek thoDi si saqi mere saqi de de

abhi gunjaish-e-mai-kHana hai paimane mein

din-o-duniya se talluq nahin baqi saqi

jab se baiThe hain hum aakar tere mai-KHane mein

madh-bhari aankhon mein jo tune chhipa rakhi hai

saqiya thoDi si wo bhi mere paimane mein

jal gaya KHak hua KHak bhi pamal hui

phir bhi hai ruh-e-mohabbat wahi parwane mein

tark-e-mai-kHana ko muddat hui lekin ab tak

dil hai shisha mein mera aankh hai paimane mein

lo idhar kanpi udhar zarra har ek kanp uTha

KHak hokar bhi ye ehsas hai parwane mein

gardish-e-jam se zahir hai hamari gardish

dil 'hafiz' apna hai saghar nahin mai-KHane mein