ishq ka raaz gar na khul jata

'ishq kā raaz gar na khul jaatā

is qadar tū na ham se sharmātā

aa ke tab baiThtā hai vo ham paas

aap meñ jab hameñ nahīñ paatā

zindagī ne vafā na kī varna

maiñ tamāshā vafā kā dikhlātā

mar ga.e ham to kahte-kahte haal

kuchh to tū bhī zabāñ se farmātā

maiñ to jaatā hī aap se lekin

tere kahne se ab nahīñ jaatā

sab ye bāteñ haiñ chaah kī varna

is qadar tū na ham par jhuñjhlātā

jaise ye miir kā sunā hai she'r

gar ye be-iḳhtiyār hai aatā

ḳhvāb meñ bhī rahā tū aane se

dekhne hī kā thā ye sab naatā

maiñ na suntā kisī kī baat 'hasan'

dil jo bāteñ na mujh ko sunvātā

'ishq ka raaz gar na khul jata

is qadar tu na hum se sharmata

aa ke tab baiThta hai wo hum pas

aap mein jab hamein nahin pata

zindagi ne wafa na ki warna

main tamasha wafa ka dikhlata

mar gae hum to kahte-kahte haal

kuchh to tu bhi zaban se farmata

main to jata hi aap se lekin

tere kahne se ab nahin jata

sab ye baaten hain chah ki warna

is qadar tu na hum par jhunjhlata

jaise ye mir ka suna hai she'r

gar ye be-iKHtiyar hai aata

KHwab mein bhi raha tu aane se

dekhne hi ka tha ye sab nata

main na sunta kisi ki baat 'hasan'

dil jo baaten na mujh ko sunwata