nazar wo hoke tera husn ru-ba-ru aae

nazar vo hoke tirā husn rū-ba-rū aa.e

jidhar bhī dekho nazar sirf tū hī tū aa.e

terī sifāt kā ā.īna ho merī hastī

terā jamāl terā rañg terī bū aa.e

zabāñ se nikle mirī lā-ilāhā il-lallāh

to qalb se merī āvāz allāh aa.e

sar-e-niyāz jhuke merā sar tere qadmoñ par

jabīñ ko merī jo sajde kī āvāz aa.e

nigāh-e-dil ko banā pahle diid ke qābil

'ajab nahīñ vo nazar tujh ko chār-sū aa.e

tamām 'umr qazā ho to ho namāz magar

nazar ḳhatā na ho jab yaar rū-ba-rū aa.e

kisī kā naam sunā sar jhukā diyā 'sālik'

ḳhulūs-e-sajde kī rakhne vo aabrū aa.e

nazar wo hoke tera husn ru-ba-ru aae

jidhar bhi dekho nazar sirf tu hi tu aae

teri sifat ka aaina ho meri hasti

tera jamal tera rang teri bu aae

zaban se nikle meri la-ilaha il-lallah

to qalb se meri aawaz allah aae

sar-e-niyaz jhuke mera sar tere qadmon par

jabin ko meri jo sajde ki aawaz aae

nigah-e-dil ko bana pahle did ke qabil

'ajab nahin wo nazar tujh ko chaar-su aae

tamam 'umr qaza ho to ho namaz magar

nazar KHata na ho jab yar ru-ba-ru aae

kisi ka nam suna sar jhuka diya 'salik'

KHulus-e-sajde ki rakhne wo aabru aae