نظر وہ ہوکے ترا حسن روبرو آئے

نظر وہ ہوکے ترا حسن روبرو آئے

جدھر بھی دیکھو نظر صرف تو ہی تو آئے

تیری صفات کا آئینہ ہو میری ہستی

تیرا جمال تیرا رنگ تیری بو آئے

زباں سے نکلے مری لا الہٰ الا اللہ

تو قلب سے میری آواز اللہ آئے

سر نیاز جھکے میرا سر تیرے قدموں پر

جبیں کو میری جو سجدے کی آواز آئے

نگاہ دل کو بنا پہلے دید کے قابل

عجب نہیں وہ نظر تجھ کو چار سو آئے

تمام عمر قضا ہو تو ہو نماز مگر

نظر خطا نہ ہو جب یار روبرو آئے

کسی کا نام سنا سر جھکا دیا سالکؔ

خلوص سجدے کی رکھنے وہ آبرو آئے