main wahdat ka parda hun al-hamdu-lillah

maiñ vahdat kā parda huuñ al-hamdu-lillāh

ahad kā ḳhulāsa huuñ al-hamdu-lillāh

usī ko hotā hai iz.hār-e-vahdat

jo maujūd har-jā hoñ al-hamdu-lillāh

gumāñ terā mujh par kare kyuuñ na 'ālam

maiñ terā sarāpā huuñ al-hamdu-lillāh

merī shakl jab se banī shakl terī

fidā ḳhud pe hotā huuñ al-hamdu-lillāh

maiñ ḳhud dil ko apne kā'ba samajh kar

tavāf us kā karatā huuñ al-hamdu-lillāh

maiñ rahtā huuñ har aañkh meñ nuur ban kar

maiñ har dil meñ rahtā huuñ al-hamdu-lillāh

farishtoñ ne aadam ko sajda kiyā jab

to maiñ vaj.h-e-sajda huuñ al-hamdu-lillāh

maiñ bil-mā'nī meñ kyā huuñ ye mujh se pūchho

ba-zāhir maiñ banda huuñ al-hamdu-lillāh

karam hai ye mirzā kā vallāh 'sālik'

jo man kunto maulā huuñ al-hamdu-lillāh

main wahdat ka parda hun al-hamdu-lillah

ahad ka KHulasa hun al-hamdu-lillah

usi ko hota hai izhaar-e-wahdat

jo maujud har-ja hon al-hamdu-lillah

guman tera mujh par kare kyun na 'alam

main tera sarapa hun al-hamdu-lillah

meri shakl jab se bani shakl teri

fida KHud pe hota hun al-hamdu-lillah

main KHud dil ko apne ka'ba samajh kar

tawaf us ka karata hun al-hamdu-lillah

main rahta hun har aankh mein nur ban kar

main har dil mein rahta hun al-hamdu-lillah

farishton ne aadam ko sajda kiya jab

to main wajh-e-sajda hun al-hamdu-lillah

main bil-ma'ni mein kya hun ye mujh se puchho

ba-zahir main banda hun al-hamdu-lillah

karam hai ye mirza ka wallah 'salik'

jo man kunto maula hun al-hamdu-lillah