tere jalwe ki baDhti hai latafat chashm-e-giryan mein

tire jalve kī baḌhtī hai latāfat chashm-e-giryāñ meñ

ki ghul kar ashk meñ chhuptā hai vo dāmān-e-mizhgāñ meñ

huā dhokā jo dekhī sabz-qindīl un ke aivāñ meñ

ki sabzī halkī-halkī hai ziyā-e-māh-e-tābāñ meñ

chhupā rakheñge dāġh-e-sīna ko ham vasl-e-jānāñ meñ

ki misl-e-sub.h ik ḳhurshīd rakhte haiñ garebāñ meñ

kabhī tār-e-qafas kaTtā nahīñ shahbā-e-hijrāñ meñ

na.e jauhar haiñ ai qātil mirī teġh-e-garebāñ meñ

paḌho 'sābir' koī aisī ġhazal bazm-e-suḳhan-dāñ meñ

ki aisā koī guldasta na ho gulzār-e-rizvāñ meñ

tere jalwe ki baDhti hai latafat chashm-e-giryan mein

ki ghul kar ashk mein chhupta hai wo daman-e-mizhgan mein

hua dhoka jo dekhi sabz-qindil un ke aiwan mein

ki sabzi halki-halki hai ziya-e-mah-e-taban mein

chhupa rakhenge dagh-e-sina ko hum wasl-e-jaanan mein

ki misl-e-subh ek KHurshid rakhte hain gareban mein

kabhi tar-e-qafas kaTta nahin shahba-e-hijran mein

nae jauhar hain ai qatil meri tegh-e-gareban mein

paDho 'sabir' koi aisi ghazal bazm-e-suKHan-dan mein

ki aisa koi guldasta na ho gulzar-e-rizwan mein