mohabbat nahin to jiya jae na

mohabbat nahīñ to jiyā jaa.e nā

ye dukh zindagī kā uThā jaa.e nā

sambhal kar zabāñ kholnī chāhiye

koī dil kī bātoñ ko pā jaa.e nā

bharī bazm se uTh ke jaanā tirā

kahīñ dil kisī kā biThā jaa.e nā

mirā ek sajda to ho chain kā

ḳhudā hī jo Thahrā ḳhud aa jaa.e nā

mohabbat ke aañsū haiñ pī jā.iye

kahīñ koī tūfān aa jaa.e nā

agar jaan tak jaa.e jaane bhī do

magar apne ghar se piyā jaa.e nā

karūñ kyā mire bas meñ kuchh bhī nahīñ

dar-e-yār se to uThā jaa.e nā

maiñ ḳhuddār fitrat se majbūr huuñ

kisī kā sahārā liyā jaa.e nā

vafāoñ pe apnī jise naaz hai

zarā sāmne mere aa jaaye nā

maiñ harf-e-ġhalat huuñ to yuuñ bhī sahī

bhalā koī 'kāmil' miTā jaa.e nā

mohabbat nahin to jiya jae na

ye dukh zindagi ka uTha jae na

sambhal kar zaban kholni chahiye

koi dil ki baaton ko pa jae na

bhari bazm se uTh ke jaana tera

kahin dil kisi ka biTha jae na

mera ek sajda to ho chain ka

KHuda hi jo Thahra KHud aa jae na

mohabbat ke aansu hain pi jaiye

kahin koi tufan aa jae na

agar jaan tak jae jaane bhi do

magar apne ghar se piya jae na

karun kya mere bas mein kuchh bhi nahin

dar-e-yar se to uTha jae na

main KHuddar fitrat se majbur hun

kisi ka sahaara liya jae na

wafaon pe apnī jise naz hai

zara samne mere aa jaye na

main harf-e-ghalat hun to yun bhi sahi

bhala koi 'kaamil' miTa jae na