محبت نہیں تو جیا جائے نا

محبت نہیں تو جیا جائے نا

یہ دکھ زندگی کا اٹھا جائے نا

سنبھل کر زباں کھولنی چاہیے

کوئی دل کی باتوں کو پا جائے نا

بھری بزم سے اٹھ کے جانا ترا

کہیں دل کسی کا بٹھا جائے نا

مرا ایک سجدہ تو ہو چین کا

خدا ہی جو ٹھہرا خود آ جائے نا

محبت کے آنسو ہیں پی جائیے

کہیں کوئی طوفان آ جائے نا

اگر جان تک جائے جانے بھی دو

مگر اپنے گھر سے پیا جائے نا

کروں کیا مرے بس میں کچھ بھی نہیں

در یار سے تو اٹھا جائے نا

میں خوددار فطرت سے مجبور ہوں

کسی کا سہارا لیا جائے نا

وفاؤں پہ اپنی جسے ناز ہے

ذرا سامنے میرے آ جائے نا

میں حرف غلط ہوں تو یوں بھی سہی

بھلا کوئی کاملؔ مٹا جائے نا