ban kar main kabhi musa sar-e-tur ja raha hun

ban kar maiñ kabhī muusā sar-e-tūr jā rahā huuñ

iisā maiñ kabhī ban kar marde jilā rahā huuñ

vahdāniyat pe merī ab to yaqīñ kar lo

har shakl meñ maiñ apnā jalva dikhā rahā huuñ

raushan ka.e haiñ jis ne jazbāt haqq-e-ta'ala

vo sham-e-haqīqat maiñ dil meñ jalā rahā huuñ

jin ko ba-juz hamāre koī nahīñ hai suntā

tauhīd ke vo naġhme har vaqt gā rahā huuñ

apnī ḳhabar meñ gum huuñ itnī ḳhabar kahāñ hai

kis samt se huuñ aayā kis samt jā rahā huuñ

ḳhud huuñ maiñ jām-o-mīnā ḳhud hī sharāb-e-vahdat

ḳhud hī maiñ pī rahā huuñ ḳhud hī pilā rahā huuñ

jis meñ ba-juz hamāre na ho ġhair kī samā.ī

apnā mai-ḳhāna-e-dil aisā banā rahā huuñ

donoñ jahāñ banā kar koī farq hai na aayā

vaisā hī huuñ maiñ jaisā pahle ḳhudā rahā huuñ

maiñ 'zuhūr' huuñ na zāhir banda huuñ maiñ na maulā

apne vajūd ko bas maiñ ḳhayāl pā rahā huuñ

ban kar main kabhi musa sar-e-tur ja raha hun

isa main kabhi ban kar marde jila raha hun

wahdaniyat pe meri ab to yaqin kar lo

har shakl mein main apna jalwa dikha raha hun

raushan kae hain jis ne jazbaat haqq-e-ta'ala

wo sham-e-haqiqat main dil mein jala raha hun

jin ko ba-juz hamare koi nahin hai sunta

tauhid ke wo naghme har waqt ga raha hun

apni KHabar mein gum hun itni KHabar kahan hai

kis samt se hun aaya kis samt ja raha hun

KHud hun main jam-o-mina KHud hi sharab-e-wahdat

KHud hi main pi raha hun KHud hi pila raha hun

jis mein ba-juz hamare na ho ghair ki samai

apna mai-KHana-e-dil aisa bana raha hun

donon jahan bana kar koi farq hai na aaya

waisa hi hun main jaisa pahle KHuda raha hun

main 'zuhur' hun na zahir banda hun main na maula

apne wajud ko bas main KHayal pa raha hun