dafn jab KHak mein hum soKHta-saman honge

dafn jab ḳhaak meñ ham soḳhta-sāmāñ hoñge

fals-e-māhī kī gul sham'-e-shabistāñ hoñge

tū kahāñ jā.egī kuchh apnā Thikāna kar le

ham to kal ḳhvāb-e-'adam meñ shab-e-hijrāñ hoñge

ham nikāleñge sun ai mauj-e-havā abal terā

un kī zulfoñ ke agar baal pareshāñ hoñge

tāb-e-nazzāra nahīñ ā.īna kyā dekhne duuñ

aur ban jā.eñge tasvīr jo hairāñ hoñge

minnat-e-hazrat-e-’īsā na uThā.eñge kabhī

zindagī ke liye sharminda-e-ehsāñ hoñge

chāk-e-parda se ye ġhamze haiñ to ai parda-nashīñ

ek meñ kyā ki sabhī chāk-e-garebāñ hoñge

'umr saarī to kaTī 'ishq butāñ meñ 'momin'

āḳhirī vaqt meñ kyā ḳhaak musalmāñ hoñge

dafn jab KHak mein hum soKHta-saman honge

fals-e-mahi ki gul sham'-e-shabistan honge

tu kahan jaegi kuchh apna Thikana kar le

hum to kal KHwab-e-'adam mein shab-e-hijran honge

hum nikalenge sun ai mauj-e-hawa abal tera

un ki zulfon ke agar baal pareshan honge

tab-e-nazzara nahin aaina kya dekhne dun

aur ban jaenge taswir jo hairan honge

minnat-e-hazrat-e-’isa na uThaenge kabhi

zindagi ke liye sharminda-e-ehsan honge

chaak-e-parda se ye ghamze hain to ai parda-nashin

ek mein kya ki sabhi chaak-e-gareban honge

'umr sari to kaTi 'ishq butan mein 'momin'

aaKHiri waqt mein kya KHak musalman honge