dil pe qabza jamae baiThe hain

dil pe qabza jamā.e baiThe haiñ

apne ghar meñ vo aa.e baiThe haiñ

kaun aa.e nazar sivā un ke

putliyoñ meñ samā.ae baiThe haiñ

āfateñ hijr kī mire sun kar

kaisī sūrat banā.e baiThe haiñ

sar mirā aur pā-e-darbāñ hai

dekhiye chup vo haaye baiThe haiñ

tire ḳhādim na kyuuñ baneñ maḳhdūm

tujh se nisbat lagā.e baiThe haiñ

terī masnad ke ham haiñ kab qābil

tere hāthoñ biThā.e baiThe haiñ

raaz kyā hai ki hazrat-e-'vāsil'

mutma.in sab gañvā.e baiThe haiñ

dil pe qabza jamae baiThe hain

apne ghar mein wo aae baiThe hain

kaun aae nazar siwa un ke

putliyon mein samaae baiThe hain

aafaten hijr ki mere sun kar

kaisi surat banae baiThe hain

sar mera aur pa-e-darban hai

dekhiye chup wo haye baiThe hain

tere KHadim na kyun banen maKHdum

tujh se nisbat lagae baiThe hain

teri masnad ke hum hain kab qabil

tere hathon biThae baiThe hain

raaz kya hai ki hazrat-e-'wasil'

mutmain sab ganwae baiThe hain