دل پہ قبضہ جمائے بیٹھے ہیں

دل پہ قبضہ جمائے بیٹھے ہیں

اپنے گھر میں وہ آئے بیٹھے ہیں

کون آئے نظر سوا ان کے

پتلیوں میں سمائے بیٹھے ہیں

آفتیں ہجر کی مرے سن کر

کیسی صورت بنائے بیٹھے ہیں

سر مرا اور پائے درباں ہے

دیکھیے چپ وہ ہائے بیٹھے ہیں

ترے خادم نہ کیوں بنیں مخدوم

تجھ سے نسبت لگائے بیٹھے ہیں

تیری مسند کے ہم ہیں کب قابل

تیرے ہاتھوں بٹھائے بیٹھے ہیں

راز کیا ہے کہ حضرت واصلؔ

مطمئن سب گنوائے بیٹھے ہیں