dekhna gar ho pyar ki aanKHen

dekhnā gar ho pyaar kī āñḳheñ

dekh lo mere yaar kī āñḳheñ

haaye kaisī haiñ pyaar kī āñḳheñ

kitnī pyārī haiñ yaar kī āñḳheñ

saiñkaḌoñ dil fidā hue dil se

sadqe tujh par hazār kī āñḳheñ

jis ne dekhī jhalak vo mast huā

haiñ vo aisī bahār kī āñḳheñ

koī gul-rū hai dil se jhāñk rahā

surḳh rahtī haiñ yaar kī āñḳheñ

bulbul-e-dil ke haiñ ye sar-chashme

gun haiñ do gul-ezār kī āñḳheñ

sar ḳhushī se ye mast rahtī haiñ

nahīñ hargiz ḳhumār kī āñḳheñ

chup hī chup yuuñ jatā diyā sab kuchh

haiñ ye qaul-o-qarār kī āñḳheñ

dil pe qabza ho ik nazar meñ hī

goyā haiñ shahsavār kī āñḳheñ

'ishq jis ko huā huā 'vāsil'

haiñ yahī husn-e-yār kī āñḳheñ

dekhna gar ho pyar ki aanKHen

dekh lo mere yar ki aanKHen

haye kaisi hain pyar ki aanKHen

kitni pyari hain yar ki aanKHen

sainkaDon dil fida hue dil se

sadqe tujh par hazar ki aanKHen

jis ne dekhi jhalak wo mast hua

hain wo aisi bahaar ki aanKHen

koi gul-ru hai dil se jhank raha

surKH rahti hain yar ki aanKHen

bulbul-e-dil ke hain ye sar-chashme

gun hain do gul-ezar ki aanKHen

sar KHushi se ye mast rahti hain

nahin hargiz KHumar ki aanKHen

chup hi chup yun jata diya sab kuchh

hain ye qaul-o-qarar ki aanKHen

dil pe qabza ho ek nazar mein hi

goya hain shahsawar ki aanKHen

'ishq jis ko hua hua 'wasil'

hain yahi husn-e-yar ki aanKHen