tumhaari yaad mein gumrah ho gaya hun main

tumhārī yaad meñ gumrāh ho gayā huuñ maiñ

tajalliyāt kī duniyā meñ kho gayā huuñ maiñ

ḳhudā kare na uThūñ tā-abad tamannā hai

tumhār paañv pe sar rakh ke so gayā huuñ maiñ

kHayāl-o-dil-o-nazar sab haiñ rahn-e-mai-kHāna

agar gayā bhī to mastī meñ jo gayā huuñ maiñ

tere kahe se to vaa.iz hai sab ġhazab mujh par

tamām 'umr meñ vaañ aaj to gayā huuñ maiñ

kamāl-e-’ishaq hai bad-nāmiyoñ ke dāman meñ

gul-e-murād kī ḳhushbū meñ kho gayā huuñ maiñ

pata jo pūchhte vāsil kā phirte ho har jā

huuñ paas aap ke aap hī kā ho gayā huuñ maiñ

tumhaari yaad mein gumrah ho gaya hun main

tajalliyat ki duniya mein kho gaya hun main

KHuda kare na uThun ta-abad tamanna hai

tumhaar panw pe sar rakh ke so gaya hun main

kHayal-o-dil-o-nazar sab hain rahn-e-mai-kHana

agar gaya bhi to masti mein jo gaya hun main

tere kahe se to waiz hai sab ghazab mujh par

tamam 'umr mein wan aaj to gaya hun main

kamal-e-’ishaq hai bad-namiyon ke daman mein

gul-e-murad ki KHushbu mein kho gaya hun main

pata jo puchhte wasil ka phirte ho har ja

hun pas aap ke aap hi ka ho gaya hun main