sharab-KHana ka tujhse qiyam hai saqi

sharāb-ḳhāna kā tujh se qiyām hai saaqī

kisī se kyā hai ġharaz tujh se kaam hai saaqī

fazā-e-dahr se barse haiñ mastiyāñ paiham

sharāb-e-nāb se labrez jaam hai saaqī

tamām dahr jo masrūf-e-'aish ho to ho

hamāre paas to bas terā naam hai saaqī

bahār-o-abrū chaman sab haiñ tū nahīñ hamdam

tire baġhair piinā harām hai saaqī

nigāh ḳhaas se ho ik ishāra us jānib

ke terā naam to mash.hūr aam hai saaqī

sab samajhtī hai duniyā hai vāsil-e-yazdāñ

hai sach to ye ki vo terā ġhulām hai saaqī

sharab-KHana ka tujh se qiyam hai saqi

kisi se kya hai gharaz tujh se kaam hai saqi

faza-e-dahr se barse hain mastiyan paiham

sharab-e-nab se labrez jam hai saqi

tamam dahr jo masruf-e-'aish ho to ho

hamare pas to bas tera nam hai saqi

bahaar-o-abru chaman sab hain tu nahin hamdam

tere baghair pina haram hai saqi

nigah KHas se ho ek ishaara us jaanib

ke tera nam to mashhur aam hai saqi

sab samajhti hai duniya hai wasil-e-yazdan

hai sach to ye ki wo tera ghulam hai saqi