main bura hun ya bhala hun meri laj ko nibhana

maiñ burā huuñ yā bhalā huuñ merī laaj ko nibhānā

mujhe jāntā hai sājan tere naam se zamāna

terī 'āshiqī se pahle mujhe kaun jāntā thā

tere 'ishq ne banā dī merī zindagī fasāna

mujhe is kā ġham nahīñ hai ke badal ga.ī hai duniyā

merī zindagī hai tum se kahīñ tum badal na jaanā

tū navāzne pe aa.e to navāz de zamāna

tū karīm hī jo Thahrā to karam kā kyā Thikāna

tū mamba’e-'atā hai ki pukār uThā zamāna

vo karam-navāziyāñ kī karam kā kyā Thikāna

chaukhaT pe aa gayā huuñ sarkār aaj sun lo

mirī dukh-bharī kahānī mirā dukh-bharā fasāna

rahne de mujh ko apne qadmoñ kī dhuul ban kar

jo na ho tumheñ gavārā mujhe ḳhaak meñ milānā

tire naam se 'zuhūrī' mujhe jāntī hai duniyā

tirā jab se ho gayā huuñ mirā ho gayā zamāna

main bura hun ya bhala hun meri laj ko nibhana

mujhe jaanta hai sajan tere nam se zamana

teri 'ashiqi se pahle mujhe kaun jaanta tha

tere 'ishq ne bana di meri zindagi fasana

mujhe is ka gham nahin hai ke badal gai hai duniya

meri zindagi hai tum se kahin tum badal na jaana

tu nawazne pe aae to nawaz de zamana

tu karim hi jo Thahra to karam ka kya Thikana

tu mamba’e-'ata hai ki pukar uTha zamana

wo karam-nawaziyan ki karam ka kya Thikana

chaukhaT pe aa gaya hun sarkar aaj sun lo

meri dukh-bhari kahani mera dukh-bhara fasana

rahne de mujh ko apne qadmon ki dhul ban kar

jo na ho tumhein gawara mujhe KHak mein milana

tere nam se 'zuhuri' mujhe jaanti hai duniya

tera jab se ho gaya hun mera ho gaya zamana