chala aahista-ahista tere kalima se dam mera

chalā āhista-āhista tire kalima se dam merā

naza.a meñ kaise bhūlūñ hai vazīfa dam-badam merā

yahī irshād-e-murshid hai yahī to rāz-e-murshid hai

murād paayā merā nafs-e-’adū’-e-be-sharam merā

hai hastī meñ 'ajab hastī vīrāne meñ hai jag-bastī

muqaddar se milā khoyā huā dard-o-alam merā

tamannā.eñ vo bar laa.eñ paḌheñ kalima vo paḌvāyeñ

alam-nashrah-laka-sadrak se pur dil kā haram merā

zamāna āḳhirī aayā ḳhudī khoyā ḳhudā paayā

jamāyā pīr-e-kāmil ne yahī kah ki qadam merā

jahāñ meñ jitnī arvāheñ haiñ aa.ī aur jo aa.eñ

ba-sad tā'zīm 'qadīr' sar ko jhukā.e luuñ salām merā

chala aahista-ahista tere kalima se dam mera

naza mein kaise bhulun hai wazifa dam-badam mera

yahi irshad-e-murshid hai yahi to raaz-e-murshid hai

murad paya mera nafs-e-’adu’-e-be-sharam mera

hai hasti mein 'ajab hasti virane mein hai jag-basti

muqaddar se mila khoya hua dard-o-alam mera

tamannaen wo bar laen paDhen kalima wo paDwayen

alam-nashrah-laka-sadrak se pur dil ka haram mera

zamana aaKHiri aaya KHudi khoya KHuda paya

jamaya pir-e-kaamil ne yahi kah ki qadam mera

jahan mein jitni arwahen hain aai aur jo aaen

ba-sad ta'zim 'qadir' sar ko jhukae lun salam mera