har chand hai ahl-e-zarf-o-nazar dekhte rahe

har chāñd hai ahl-e-zarf-o-nazar dekhte rahe

sab un ko hasb-e-tāb nazar dekhte rahe

jin kī tajalliyāñ thiiñ 'ayāñ jism-o-jān meñ

kyā zulm kiyā un ko kidhar dekhte rahe

aa.e na janāb nazar vo nigāhoñ ke nuur se

dil meñ phir un ko shām-o-sahar dekhte rahe

ham ko rahā na sāqiyā kuchh hosh mai-kahsī

ham to terī nazar kā asar dekhte rahe

tīr-e-nazar se un ke to koī na bach sakā

ghā.il hue sabhī vo jidhar dekhte rahe

har chand hai ahl-e-zarf-o-nazar dekhte rahe

sab un ko hasb-e-tab nazar dekhte rahe

jin ki tajalliyan thin 'ayan jism-o-jaan mein

kya zulm kiya un ko kidhar dekhte rahe

aae na janab nazar wo nigahon ke nur se

dil mein phir un ko sham-o-sahar dekhte rahe

hum ko raha na saqiya kuchh hosh mai-kahsi

hum to teri nazar ka asar dekhte rahe

tir-e-nazar se un ke to koi na bach saka

ghail hue sabhi wo jidhar dekhte rahe