tumhaare kuche mein jaan-e-jaanan namaz hum yun ada karenge

tumhāre kūche meñ jān-e-jānāñ namāz ham yuuñ adā kareñge

tumhī ko pūjeñge zindagī bhar tumhī ko sajde kiyā kareñge

huzūr ke naqsh-e-pā se ham ko milī hai sajdoñ kī jab ijāzat

ham ahl-e-nisbat batāo to ye namāz kaise qazā kareñge

yahī tarīqa hai 'āshiqoñ kā sanam kī chāhat sanam kī puujā

yahī kiyā hai ye kar rahe haiñ yahī hamesha kiyā kareñge

zamāna ho jaa.e ham se bad-zan nahīñ hai parvā jo sab haiñ dushman

na chhūTe hāthoñ se un kā dāman yahī ḳhudā se du'ā kareñge

hamāre paas ab hamārā kyā hai jo paas hai bhī vo sab hai un kā

hai dil bhī un kā hai jaañ bhī un kī unhīñ pe ye sab fidā kareñge

kisī ko hogā hameñ nahīñ shak ham 'āshiqoñ kā yahī hai maslak

sanam kī puujā agar ḳhatā hai to bārhā ye ḳhatā kareñge

chalo to 'mumtāz' se mileñge vo kushta-e-nāz se mileñge

Thikāna us kā hai kū-e-jānāñ vahīñ pe us kā patā kareñge

tumhaare kuche mein jaan-e-jaanan namaz hum yun ada karenge

tumhi ko pujenge zindagi bhar tumhi ko sajde kiya karenge

huzur ke naqsh-e-pa se hum ko mili hai sajdon ki jab ijazat

hum ahl-e-nisbat batao to ye namaz kaise qaza karenge

yahi tariqa hai 'ashiqon ka sanam ki chahat sanam ki puja

yahi kiya hai ye kar rahe hain yahi hamesha kiya karenge

zamana ho jae hum se bad-zan nahin hai parwa jo sab hain dushman

na chhuTe hathon se un ka daman yahi KHuda se du'a karenge

hamare pas ab hamara kya hai jo pas hai bhi wo sab hai un ka

hai dil bhi un ka hai jaan bhi un ki unhin pe ye sab fida karenge

kisi ko hoga hamein nahin shak hum 'ashiqon ka yahi hai maslak

sanam ki puja agar KHata hai to barha ye KHata karenge

chalo to 'mumtaz' se milenge wo kushta-e-naz se milenge

Thikana us ka hai ku-e-jaanan wahin pe us ka pata karenge