bahaar-e-jaan-faza tum ho nasim-e-dastan tum ho
bahār-e-jāñ-fazā tum ho nasīm-e-dāstāñ tum ho
bahār-e-bāġh-e-rizvāñ tum se hai zeb-e-jināñ tum ho
habīb-e-rabb-e-rahmāñ tum makīn-e-lā-makāñ tum ho
sirr-e-har-do-jahāñ tum ho shāh-e-shāhanshahāñ tum ho
haqīqat aap kī mastūr hai yuuñ to nihāñ tum ho
numāyāñ zarre zarre se haiñ jalve yuuñ 'ayāñ tum ho
haqīqat se tumhārī juz ḳhudā aur kaun vāqif hai
kahe to kyā kahe koī chunīñ tum ho chunāñ tum ho
ḳhudā kī saltanat kā do-jahāñ meñ kaun dūlhā hai
tum hī tum ho tum hī tum ho yahāñ tum ho vahāñ tum ho
tumhārā nuur hī saarī hai un saarī bahāroñ meñ
bahāroñ meñ nihāñ tum ho bahāroñ meñ nihāñ tum ho
zamīn-o-āsmāñ kī sab bahāreñ aap kā sadqa
bahār-e-be-ḳhizāñ tum ho bahār-e-jāvedāñ tum ho
tumhāre husn-o-rañg-o-bū kī gul buuTe hikāyat haiñ
bahār-e-gulistāñ tum ho bahār-e-bostāñ tum ho
tumhārī tābish-e-ruḳh hī se raushan zarra-zarra hai
mah-o-kHurshīd-o-anjum barq meñ jalva-kunāñ tum ho
nazar 'ārif ko har 'ālam meñ aayā aap kā 'ālam
na hote tum to kyā hotā bahār-e-har-jahāñ tum ho
tumhāre jalva-e-rañgīñ hī kī saarī bahāreñ haiñ
bahāroñ se 'ayāñ tum ho bahāroñ meñ nihāñ tum ho
mujassam rahmat-e-haq ho ki apnā ġham na andesha
magar ham se siyah-kāroñ kī ḳhātir yuuñ ravāñ tum ho
kujā ham ḳhaak uftāda kujā tum ai shah-e-bālā
agar misl-e-zamīñ ham haiñ to misl-e-āsmāñ tum ho
ye kyā maiñ ne kahā misl samā tum ho ma'āz-allāh
munazzah misl se bartar za har vahm-o-gumāñ tum ho
maiñ bhūlā aap kī rif'at se nisbat hī hameñ kyā hai
vo kahne bhar kī nisbat thī kahāñ ham haiñ kahāñ tum ho
che nisbat ḳhaak rā bā-’ālam-e-pākat ki ai maulā
gadā-e-be-navā ham haiñ shah-e-’arsh-e-āstāñ tum ho
maiñ be-kas huuñ maiñ be-bas huuñ magar kis kā tumhārā huuñ
tah-e-dāman mujhe le lo panāh-e-be-kasāñ tum ho
haqīqat meñ na bekas huuñ na be-bas huuñ na nā-tāqat
maiñ sadqe jā.ūñ mujh kamzor ke tāb-o-tavāñ tum ho
hameñ ummīd hai roz-e-qayāmat un kī rahmat se
ki farmā.eñ idhar aao na māyūs az jināñ tum ho
sitam-kāro chale aao chale aao chale aao
hamāre ho hamāre ho agar ho az badāñ tum ho
tumhāre hote saare dard dukh kis se kahūñ pyāre
shafī'-e-'āsiyāñ tum ho vakīl-e-mujrimāñ tum ho
masīh-e-pāk ke qurbāñ gar jān-e-dil-o-īmāñ
hamāre dard ke darmāñ tabīb-e-ins-o-jāñ tum ho
dikhā.e laakh āñkheñ mehr-e-mahshar kuchh nahīñ parvā
ḳhudā rakkhe tumhīñ tum ho mire amn-o-amāñ tum ho
riyāzat ke yahī din haiñ buḌhāpe meñ kahāñ himmat
jo kuchh karnā ho ab kar lo abhī 'nūrī' javāñ tum ho
faqat nisbat kā jaise huuñ haqīqī nuur ho jā.ūñ
mujhe jo dekhe kah uTThe miyāñ nuurī miyāñ tum ho
sanā manzūr hai un kī nahīñ ye mudda'ā 'nūrī'
suḳhan sanj-o-sukHan-var ho suḳhan ke nukta-dāñ tum ho
bahaar-e-jaan-faza tum ho nasim-e-dastan tum ho
bahaar-e-bagh-e-rizwan tum se hai zeb-e-jinan tum ho
habib-e-rabb-e-rahman tum makin-e-la-makan tum ho
sirr-e-har-do-jahan tum ho shah-e-shahanshahan tum ho
haqiqat aap ki mastur hai yun to nihan tum ho
numayan zarre zarre se hain jalwe yun 'ayan tum ho
haqiqat se tumhaari juz KHuda aur kaun waqif hai
kahe to kya kahe koi chunin tum ho chunan tum ho
KHuda ki saltanat ka do-jahan mein kaun dulha hai
tum hi tum ho tum hi tum ho yahan tum ho wahan tum ho
tumhaara nur hi sari hai un sari bahaaron mein
bahaaron mein nihan tum ho bahaaron mein nihan tum ho
zamin-o-asman ki sab bahaaren aap ka sadqa
bahaar-e-be-KHizan tum ho bahaar-e-jawedan tum ho
tumhaare husn-o-rang-o-bu ki gul buTe hikayat hain
bahaar-e-gulistan tum ho bahaar-e-bostan tum ho
tumhaari tabish-e-ruKH hi se raushan zarra-zarra hai
mah-o-kHurshid-o-anjum barq mein jalwa-kunan tum ho
nazar 'arif ko har 'alam mein aaya aap ka 'alam
na hote tum to kya hota bahaar-e-har-jahan tum ho
tumhaare jalwa-e-rangin hi ki sari bahaaren hain
bahaaron se 'ayan tum ho bahaaron mein nihan tum ho
mujassam rahmat-e-haq ho ki apna gham na andesha
magar hum se siyah-karon ki KHatir yun rawan tum ho
kuja hum KHak uftada kuja tum ai shah-e-baala
agar misl-e-zamin hum hain to misl-e-asman tum ho
ye kya main ne kaha misl sama tum ho ma'az-allah
munazzah misl se bartar za har wahm-o-guman tum ho
main bhula aap ki rif'at se nisbat hi hamein kya hai
wo kahne bhar ki nisbat thi kahan hum hain kahan tum ho
che nisbat KHak ra ba-’alam-e-pakat ki ai maula
gada-e-be-nawa hum hain shah-e-’arsh-e-astan tum ho
main be-kas hun main be-bas hun magar kis ka tumhaara hun
tah-e-daman mujhe le lo panah-e-be-kasan tum ho
haqiqat mein na bekas hun na be-bas hun na na-taqat
main sadqe jaun mujh kamzor ke tab-o-tawan tum ho
hamein ummid hai roz-e-qayamat un ki rahmat se
ki farmaen idhar aao na mayus az jinan tum ho
sitam-karo chale aao chale aao chale aao
hamare ho hamare ho agar ho az badan tum ho
tumhaare hote sare dard dukh kis se kahun pyare
shafi'-e-'asiyan tum ho wakil-e-mujriman tum ho
masih-e-pak ke qurban gar jaan-e-dil-o-iman
hamare dard ke darman tabib-e-ins-o-jaan tum ho
dikhae lakh aankhen mehr-e-mahshar kuchh nahin parwa
KHuda rakkhe tumhin tum ho mere amn-o-aman tum ho
riyazat ke yahi din hain buDhape mein kahan himmat
jo kuchh karna ho ab kar lo abhi 'nuri' jawan tum ho
faqat nisbat ka jaise hun haqiqi nur ho jaun
mujhe jo dekhe kah uTThe miyan nuri miyan tum ho
sana manzur hai un ki nahin ye mudda'a 'nuri'
suKHan sanj-o-sukHan-war ho suKHan ke nukta-dan tum ho
- Book : Samaan-e-Bakhshish (Pg. 105)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.