گذر اس وقت ہوا ہے سرِ مدفن ان کا

گذر اس وقت ہوا ہے سرِ مدفن ان کا

ہرگز اے دست طلب چھوڑ نہ دامن ان کا

یا الہٰی یہ تمنا ہے کہ روز محشر

لب پہ ہو نام ترا ہاتھ میں دامن ان کا

توڑ کر تختہ میں مرقد سے نکل آؤں گا

بیکسی نام نہ لینا سرِ مدفن ان کا

ہائے اس عشق نے دونوں کو بنایا کافر

برہمن نام ہے میرا بتِ پر فن ان کا

وصل میں کیا ہے مرے پاس جو میں نذر کروں

دل اداؤں کا جگر ناز کا تن من ان کا

کھل پڑا دل جو ہمارا تو اٹھانے کے لیے

خاک پر لوٹ پڑا گوشۂ دامن ان کا

میں جو دیوانہ ہوں مضطرؔ وہ ہرجائی ہے

نہ ٹھکانا کہیں میرا ہے نہ مسکنؔ ان کا