guzar us waqt hua hai sar-e-madfan un ka

guzar us vaqt huā hai sar-e-madfan un kā

hargiz ai dast-e-talab chhoḌ na dāman un kā

yā ilāhī ye tamannā hai ki roz-e-mahshar

lab pe ho naam tirā haath meñ dāman un kā

toḌ kar taḳhta meñ marqad se nikal ā.ūñgā

be-kasī naam na lenā sar-e-madfan un kā

haa.e us 'ishq ne donoñ ko banāyā kāfir

barahman naam hai merā but-e-pur-fan un kā

vasl meñ kyā hai mire paas jo maiñ nazr karūñ

dil adāoñ kā jigar naaz kā tan man un kā

khul paḌā dil jo hamārā to uThāne ke liye

ḳhaak par lauT paḌā gosha-e-dāman un kā

maiñ jo dīvāna huuñ 'muztar' to vo harjā.ī hai

na Thikānā kahīñ merā hai na maskan un kā

guzar us waqt hua hai sar-e-madfan un ka

hargiz ai dast-e-talab chhoD na daman un ka

ya ilahi ye tamanna hai ki roz-e-mahshar

lab pe ho nam tera hath mein daman un ka

toD kar taKHta mein marqad se nikal aaunga

be-kasi nam na lena sar-e-madfan un ka

hae us 'ishq ne donon ko banaya kafir

barahman nam hai mera but-e-pur-fan un ka

wasl mein kya hai mere pas jo main nazr karun

dil adaon ka jigar naz ka tan man un ka

khul paDa dil jo hamara to uThane ke liye

KHak par lauT paDa gosha-e-daman un ka

main jo diwana hun 'muztar' to wo harjai hai

na Thikana kahin mera hai na maskan un ka