aaj phir taqdir chamki talib-e-didar ki

aaj phir taqdīr chamkī tālib-e-dīdār kī

phir huiiñ pur-nūr āñkheñ rauzan-e-dīvār kī

ho ga.ī tīr-e-nigāh-e-nāz kī shāyad hadaf

aaj kyuuñ rañgat nahīñ uḌtī ruḳh-e-bīmār kī

kyā kahūñ yā-rab tarīq-e-'ishq kī majbūriyāñ

minnateñ karnī paḌīñ haiñ ab mujhe aġhyār kī

yuuñ bhī parda rah gayā uftādgān-e-kHāk kā

oḌh lī chādar kisī ke sāya-e-dīvār kī

ā.īna pesh-e-nazar ārā.ish-e-gesū meñ hai

beḌiyāñ bantī haiñ ab pā-e-nigāh-e-yār kī

phuul haiñ bikhre hue jitne 'adū kī bazm haiñ

dhajjiyāñ haiñ sab ye mere zaḳhm-e-dāman-dār kī

pairvī-e-momin-o-ġhālib kā hai ‘bartar’ ye faiz

hai ravish sab se judāgāna mere ash'ār kī

aaj phir taqdir chamki talib-e-didar ki

phir huin pur-nur aankhen rauzan-e-diwar ki

ho gai tir-e-nigah-e-naz ki shayad hadaf

aaj kyun rangat nahin uDti ruKH-e-bimar ki

kya kahun ya-rab tariq-e-'ishq ki majburiyan

minnaten karni paDin hain ab mujhe aghyar ki

yun bhi parda rah gaya uftadgan-e-kHak ka

oDh li chadar kisi ke saya-e-diwar ki

aaina pesh-e-nazar aaraish-e-gesu mein hai

beDiyan banti hain ab pa-e-nigah-e-yar ki

phul hain bikhre hue jitne 'adu ki bazm hain

dhajjiyan hain sab ye mere zaKHm-e-daman-dar ki

pairwi-e-momin-o-ghaalib ka hai ‘bartar’ ye faiz

hai rawish sab se judagana mere ash'ar ki