bahut hi be-wafa nikle bahut hi pur-jafa nikle

bahut hī be-vafā nikle bahut hī pur-jafā nikle

samajh rakhā thā ham ne tum ko kyā afsos kyā nikle

taḌaptā kyuuñ hai ai dil kaash terā mudda'ā nikle

ki vaqt-e-naz.a tujh ko dekhne shāyad vo aa nikle

merī āñkhoñ se tū hī dekh aanā us parī-vash ko

jo kū-e-yār se phirtī huī bād-e-sabā nikle

tere vābasta-e-dīdār ko dīdār ko hasrat na rah jaa.e

qayāmat meñ ilāhī kuchh na kuchh merī ḳhatā nikle

yūñhī vo roz-e-vafā par tujhe Tāleñge ai 'nādir'

ye mumkin hī nahīñ koī jo terā mudda'ā nikle

bahut hi be-wafa nikle bahut hi pur-jafa nikle

samajh rakha tha hum ne tum ko kya afsos kya nikle

taDapta kyun hai ai dil kash tera mudda'a nikle

ki waqt-e-naza tujh ko dekhne shayad wo aa nikle

meri aankhon se tu hi dekh aana us pari-wash ko

jo ku-e-yar se phirti hui baad-e-saba nikle

tere wabasta-e-didar ko didar ko hasrat na rah jae

qayamat mein ilahi kuchh na kuchh meri KHata nikle

yunhi wo roz-e-wafa par tujhe Talenge ai 'nadir'

ye mumkin hi nahin koi jo tera mudda'a nikle