agar manzur hai pina mai-e-wahdat ke saghar ka

agar manzūr hai piinā mai-e-vahdat ke sāġhar kā

liyā kar naam har dam hazrat sāqī-e-kausar kā

terī mai kī tamannā meñ banā dil varna ai saaqī

jise kahte haiñ shīsha vo bhī ek TukḌā hai patthar kā

kabhī gar ḳhaak tere naqsh-e-pā kī dil se vo miltā

to shakl-e-ā.īna dil saaf ho jaatā sikandar kā

terī duurī se ham jis ātish-e-sozāñ meñ jalte haiñ

jo dekhe duur se to aab ho zahrā samandar kā

'ilm kā us ke ai ‘mā'rūf’ sar par mere saaya hai

nahīñ hai ek zarra ġham mujhe ḳhurshīd-e-mahshar kā

agar manzur hai pina mai-e-wahdat ke saghar ka

liya kar nam har dam hazrat saqi-e-kausar ka

teri mai ki tamanna mein bana dil warna ai saqi

jise kahte hain shisha wo bhi ek TukDa hai patthar ka

kabhi gar KHak tere naqsh-e-pa ki dil se wo milta

to shakl-e-aina dil saf ho jata sikandar ka

teri duri se hum jis aatish-e-sozan mein jalte hain

jo dekhe dur se to aab ho zahra samandar ka

'ilm ka us ke ai ‘ma'ruf’ sar par mere saya hai

nahin hai ek zarra gham mujhe KHurshid-e-mahshar ka