un ko wo qisse sunae hain ki ji jaanta hai

un ko vo qisse sunā.e haiñ ki jī jāntā hai

lab pe naale bhī vo laa.e haiñ ki jī jāntā hai

vo na.e rañg jamā.e haiñ ki jī jāntā hai

lutf vo 'ishq meñ paa.e haiñ ki jī jāntā hai

rañj bhī aise uThā.e haiñ ki jī jāntā hai

tum ne sīkhā hī nahīñ shevā-e-arbāb-e-karam

yaad hai tum ko bas andāz-e-jafā tarz-e-sitam

fitne qurbān haiñ jin par ye qadam haiñ vo qadam

un hī qadmoñ ne tumhāre un hī qadmoñ kī qasam

ḳhaak meñ aise milā.e haiñ ki jī jāntā hai

jin ko paanā thā unheñ pā ga.iiñ donoñ āñkheñ

diid kā dhokā magar khā ga.iiñ donoñ āñkheñ

dekhte hī unheñ sharmā ga.iiñ donoñ āñkheñ

ka.aba-o-dair meñ pathrā ga.iiñ donoñ āñkheñ

aise jalve nazar aa.e haiñ ki jī jāntā hai

hosh uḌāte haiñ 'muīn' ke bhī har ik jalve se

dekh lenā hī qiyāmat hai tirā parde se

jo yahāñ aatā hai jaatā nahīñ vo apne se

'dāġh'-e-vārafta ko ham aaj tire kūche se

is tarh khīñch ke laa.e haiñ ki jī jāntā hai

un ko wo qisse sunae hain ki ji jaanta hai

lab pe nale bhi wo lae hain ki ji jaanta hai

wo nae rang jamae hain ki ji jaanta hai

lutf wo 'ishq mein pae hain ki ji jaanta hai

ranj bhi aise uThae hain ki ji jaanta hai

tum ne sikha hi nahin shewa-e-arbab-e-karam

yaad hai tum ko bas andaz-e-jafa tarz-e-sitam

fitne qurban hain jin par ye qadam hain wo qadam

un hi qadmon ne tumhaare un hi qadmon ki qasam

KHak mein aise milae hain ki ji jaanta hai

jin ko pana tha unhen pa gain donon aankhen

did ka dhoka magar kha gain donon aankhen

dekhte hi unhen sharma gain donon aankhen

kaba-o-dair mein pathra gain donon aankhen

aise jalwe nazar aae hain ki ji jaanta hai

hosh uDate hain 'muin' ke bhi har ek jalwe se

dekh lena hi qiyamat hai tera parde se

jo yahan aata hai jata nahin wo apne se

'dagh'-e-warafta ko hum aaj tere kuche se

is tarh khinch ke lae hain ki ji jaanta hai