ji chahta hai aag laga den nazar se hum

tañg aa.e zindagī ke bhayānak safar se ham

jibrīl kā guzar nahīñ guzre udhar se ham

vā'de haiñ saikaḌoñ to bahāne bhī saikaḌoñ

bezār kar chuke haiñ agar aur magar se ham

sar ko uThā ke sar ko jhukā.eñ vo ham nahīñ

sar le ke jaa.eñ aur terī sañg-e-dar se ham

apnī ḳhabar na aap ko na aap kī hameñ

kuchh be-ḳhabar se aap haiñ kuchh be-ḳhabar se ham

parda aur un se parda jo āshiq-mizāj haiñ

jī chāhtā hai aag lagā deñ nazar se ham

nazar bhī ḳhanjar se abrū se kam nahīñ

donoñ taraf ke vaar sambhāleñ kī bahar se ham

ye apne bas kī baat nahīñ she'r-o-shā'irī

urdu zabān lā.eñge 'nāzāñ' kidhar se ham

tang aae zindagi ke bhayanak safar se hum

jibril ka guzar nahin guzre udhar se hum

wa'de hain saikaDon to bahane bhi saikaDon

bezar kar chuke hain agar aur magar se hum

sar ko uTha ke sar ko jhukaen wo hum nahin

sar le ke jaen aur teri sang-e-dar se hum

apni KHabar na aap ko na aap ki hamein

kuchh be-KHabar se aap hain kuchh be-KHabar se hum

parda aur un se parda jo aashiq-mizaj hain

ji chahta hai aag laga den nazar se hum

nazar bhi KHanjar se abru se kam nahin

donon taraf ke war sambhaalen ki bahar se hum

ye apne bas ki baat nahin she'r-o-sha'iri

urdu zaban laenge 'nazan' kidhar se hum