آپ کی راہ تکتا ہے بیمارِ غمِ دم کسی دم میں اس کا نکل جائے گا

آپ کی راہ تکتا ہے بیمارِ غمِ دم کسی دم میں اس کا نکل جائے گا

آ بھی جاؤ گھڑی دو گھڑی کے لیے بات رہ جائے گی وقت ٹل جائے گا

رخ سے چلمن نہ اپنے ہٹایا کرو دیکھو سارا زمانہ بدل جائے گا

نوجوانی کا عالم ہے جانِ جہاں جو تمہیں دیکھ لے گا پھسل جائے گا

لے کے پیغامِ عشرت بہار آگئی دل کے ارمان انگڑائی لینے لگے

ایسے موقعے پہ تو روٹھ جائے اگر حسرتوں کا جنازہ نکل جائے گا

اب امر نی کہاں لن ترانی سنا اس کے جلوے سے اچھا نہیں کھیلنا

جلوہ یار موسیٰ تماشہ نہیں ہوش اڑ جائیں گے طور جل جائے گا

کیا کہے گا جہاں یہ تو سوچا کرو پاس نازاںؔ کے ہرگز نہ آیا کرو

چوری چوری ملاقات اچھی نہیں دیکھ لے گا زمانہ تو جل جائے گا