na haram mein na sakun milta hai but-KHane mein

na haram meñ na sakūñ miltā hai but-ḳhāne meñ

chain miltā hai to saaqī tere mai-ḳhāne meñ

jhuum barābar jhuum sharābī jhuum barābar jhuum

kaalī ghaTā hai mast fazā hai

jaam uThā kar ghuum ghuum ghuum

aaj añgūr kī beTī se mohabbat kar le

shaiḳh sāheb kī nasīhat se baġhāvat kar le

us kī beTī ne uThā rakkhī hai sar par duniyā

ye to achchhā huā añgūr ko beTā na huā

kam se kam sūrat saaqī kā nazārā kar le

aa ke maiḳhāne meñ jiine kā sahārā kar le

aañkh milte hī javānī kā maza aa.egā

tujh ko añgūr ke paanī kā maza aa.egā

har nazar apnī ba-sad shauq gulābī kar de

itnī pī le ke zamāne ko sharābī kar de

jaam jab sāmne aa.e to mukarnā kaisā

baat piine pe jab aa jaa.e to Darnā kaisā

dhuum machī hai mai-ḳhāne meñ tū bhī machā le dhuum dhuum dhuum

jhuum barābar jhuum sharābī jhuum barābar jhuum

is ke piine se tabī'at meñ ravānī aa.e

is ko būḌhā bhī pī le to javānī aa.e

piine vaale tujhe aa jāygā piine kā maza

is ke har ghūñT meñ poshīda hai jiine kā maza

baat to jab hai ki tū mai kā parastār bane

to nazar Daal de jis par vahī mai-ḳhvār bane

mausam-e-gul meñ to piine kā maza aatā hai

piine vāloñ ko hī jiine kā maza aatā hai

jaam uThā le muñh se lagā le muñh se lagā kar chuum chuum chuum

jhuum barābar jhuum sharābī jhuum barābar jhuum

jo bhī aatā hai yahāñ pī ke machal jaatā hai

jab nazar saaqī kī paḌtī hai sambhal jaatā hai

aa idhar jhuum ke saaqī kaale ke naam uThā

is qadar pī le ke rag rag meñ sar-e-dar aa jaa.e

kasrat mai se tere chehre par nuur aa jaa.e

us ke har qatre meñ nāzāñ hai nihāñ dariyā-dilī

us ke piine se 'atā hotī hai ik zinda-dilī

shaan se pī le shaan se jī le tū bhī nashe meñ jhuum jhuum jhuum

jhuum barābar jhuum sharābī jhuum barābar jhuum

na haram mein na sakun milta hai but-KHane mein

chain milta hai to saqi tere mai-KHane mein

jhum barabar jhum sharabi jhum barabar jhum

kali ghaTa hai mast faza hai

jam uTha kar ghum ghum ghum

aaj angur ki beTi se mohabbat kar le

shaiKH saheb ki nasihat se baghawat kar le

us ki beTi ne uTha rakkhi hai sar par duniya

ye to achchha hua angur ko beTa na hua

kam se kam surat saqi kā nazara kar le

aa ke maiKHane mein jine kā sahaara kar le

aankh milte hi jawani ka maza aaega

tujh ko angur ke pani ka maza aaega

har nazar apni ba-sad shauq gulabi kar de

itni pi le ke zamane ko sharabi kar de

jam jab samne aae to mukarna kaisa

baat pine pe jab aa jae to Darna kaisa

dhum machi hai mai-KHane mein tu bhi macha le dhum dhum dhum

jhum barabar jhum sharabi jhum barabar jhum

is ke pine se tabi'at mein rawani aae

is ko buDha bhi pi le to jawani aae

pine wale tujhe aa jayga pine ka maza

is ke har ghunT mein poshida hai jine ka maza

baat to jab hai ki tu mai ka parastar bane

to nazar Dal de jis par wahi mai-KHwar bane

mausam-e-gul mein to pine ka maza aata hai

pine walon ko hi jine ka maza aata hai

jam uTha le munh se laga le munh se laga kar chum chum chum

jhum barabar jhum sharabi jhum barabar jhum

jo bhi aata hai yahan pi ke machal jata hai

jab nazar saqi ki paDti hai sambhal jata hai

aa idhar jhum ke saqi kale ke nam uTha

is qadar pi le ke rag rag mein sar-e-dar aa jae

kasrat mai se tere chehre par nur aa jae

us ke har qatre mein nazan hai nihan dariya-dili

us ke pine se 'ata hoti hai ek zinda-dili

shan se pi le shan se ji le tu bhi nashe mein jhum jhum jhum

jhum barabar jhum sharabi jhum barabar jhum